你有冇試過飲清酒嘅時候，覺得好飲但又唔知點形容？唔使怕，Sake Buddy教你用「望聞問切」四診法記錄每次品酒心得，無論新手定行家都可以透過呢個簡單又有效嘅技巧，打做屬於自己嘅品飲系統！飲清酒不再流於表面，仲可以喺朋友面前型到爆～🍶
望：觀察酒液的外觀👀
首先，倒啲清酒入杯。望一望顏色，有無晶瑩剔透？定係有少少微黃？越清澈嘅酒通常越輕盈，而微黃嘅可能經過熟成，味道會濃郁啲。仲可以搖一搖酒杯，睇酒液流動性，例如「濃稠似蜜」或者「輕盈似水」。
唔係咩都白白淨淨就好嘅，記住「望」係第一步！
💡 小貼士：快速記錄，諗吓自己第一眼覺得酒靚唔靚，用簡單形容詞描述，例如「淡黃、金黃、完全透明、薄濁」！
2. 聞：捕捉香氣👃
聞香係清酒品飲嘅重頭戲，用鼻子聞清酒嘅香氣，呢步係感受酒嘅靈魂！試吓捉住果香、花香定米香、係「果香」（似蘋果、哈密瓜）、「花香」（似白色花）定「米香」（似蒸飯）。香氣層次可以用「清新」、「淡雅」、「濃郁」、「撲鼻」等形容詞，例如「聞落有蘋果同哈密瓜嘅果香，清新撲鼻」，真係好期待入口！記錄得再詳細啲就更加Pro！
💡 小貼士：香氣未必一次聞得出，可以分幾次慢慢感受，例如「有蘋果果香，仲帶少少茉莉花味，好細膩」。好多時優質清酒香氣細膩，唔會太濃烈，好似同你玩捉迷藏咁，等你慢慢發掘
問：探索風味💬
聞完就要飲啦. 入口之後，問吓啱啱聞到嘅香氣同飲入口感受嘅味道有冇唔同?口感係「順滑如絲」定「清爽輕盈」？甜度係「甘口」（甜甜地）定「辛口」（乾身）？有冇「酸爽」、「旨味」？餘韻係「清新乾淨」定「微甜持久」？例如：「入口輕盈微酸，酒體好柔和，餘韻帶少少蜜瓜嘅甜味，回甘耐人尋味。」 試飲之後再問：呢杯酒係咪你心水？ 唔好怕問自己多啲，因為每個人嘅味蕾都唔同，最緊要搵到自己最鍾意嘅口感。試多幾款清酒，你就會慢慢搵到答案。
💡 小貼士：初學者只需記住自己覺得開心或者最印象深刻嘅味道，例如「滑滑地，好似飲甜水咁舒服」，慢慢練習寫得更詳細！
4. 切：總結整體表現✍️
最後總結一下整體印象，味道係咪平衡？有冇層次感？ 整體印象係「清新易入口」定「濃郁有層次」。仲可以推介適合嘅場景，例如派對飲品或者燒肉絕配，仲可以畀分數，例如「味道和諧，清新易入口，4星半，值得推薦比新手」、「啱配壽司」。
💡 小貼士：寫得越簡單越好，例如「呢款清酒超和諧，飲落舒服，完全啱新手！」
Sake Buddy 小貼士
用「望聞問切」品清酒，當係同清酒「診症」，記低你嘅真實感受！
想學更多？Click Sake Buddy 網站睇更多品酒技巧啦～🍶✨
Comments