泉酒造 - 一間不常對外安排見學的酒造, 今次好榮幸可以安排參觀見學. 亦因為正值釀造時間, 亦只可以少數人參觀. 由泉藍小姐簡單講解酒藏歷史. 之後就由樽本先生帶領參觀酒造及講解. 按釀酒工序 – 磨洗浸蒸, 第一站先去參觀儲存精米的倉庫. 泉酒造分別有三個主要銘柄, 分別 – 仙介, 琥泉 及泉姬. 竹各自有專用酒米. 仙介 - 主要以山田錦及兵庫錦釀造, 琥泉 – 主要用食用米 ヒノヒカリ. 而泉姬 – 主要以食用米きねむすめ. 根據樽本先生解說, 酒藏亦開始試用Hyogo Sake 85酒米釀酒, 值得期待.
之後參觀洗浸蒸的工作間, 但因為不是工作時間, 簡單講解之後就到今次小編最期待的地方, 參觀麴室. 酒藏見學都試過數次, 但麴室真係第一次入, Waku Waku... ...
一入麴室唔係米或麴米味, 聞到嘅竟然係微微的杉木味. 進入第二間麴室, 亦是酒藏最熱的地方. 樽本先生嘅解說完全聽不到, 腦海只浮現鋤JSA本書講造麴的內容… ><”. 書講聞到栗子味即是造麴進入尾聲, 不過小編覺得似爆谷味, 特別是將麴米放入口咀嚼時.
麴之後就到酒母 Shubo, 參觀一個進行了 7-8日的酒母缸, 睇情況應該是Waki-Tsuki, 亦向樽本先生查問酒藏所用的酵母是什麼, 樽本先生只笑笑的說是秘密…不過關於酵母的事再三發問, 樽本先生亦講出今年酒藏對酵母亦作出調整, 跟之前產品風格會有少少不同. 而且對4MMP亦有在參考當中. 小編試過新返嘅酒, 味道真的有唔同.
之後就到參觀釀造缸聞下Moromi, 小編參觀嘅係山廢純米酒, 濃郁嘅乳酸香氣, 好期待今年嘅山廢酒.
可惜係白麴純米酒仍未釀好, 小編好想一嚐仙介的白麴酒, 殘念.
最後我們參觀水井, 泉酒造亦以三種不同水原作為仙介/琥泉/泉姬的釀造用水. 兵庫宮水主要釀造辛口及山廢酒, 六甲山的伏流水主要釀造其他酒款. 而泉姬則以井水為釀造用水.
關於受廣大Buddy歡迎的泉姬柚子酒, 收到一個不好的消息, 亦都是大部分酒藏會面對的問題. 因人口老化及少年輕人投身農業工作的原因, 柚子的收成一年比一年少形成產量不能保證. 唉😮💨
Comments